அவனும், அவளும்

 

அவனும், அவளும்

@ படிக்கும் போதே

அவன் அவளைப் படித்ததால்

படிப்பு அவனிடமிருந்து

விடை பெற்றது .

@ அவளும்

அவனைப் பார்த்தாள்

ஆனாலும் அவள் படிப்புத் தொடர்ந்தது .

@ மேல் படிப்பு படிக்கச் சென்றாள்.

எப்போதும்

பார்த்துக் கொண்டே இருந்தவன்

இப்போது ,

எப்போதாவது பார்க்க மாட்டனா ?

என ஏங்கினான் .

@ பேருந்து நிலையம் அவனுக்கு

இரண்டாவது வீடாகியது.

அவள் விழிகளைப்

பார்த்துப் பார்த்துப் பேசினான் .

அவள் இமை

அனிச்சையாய் பேசும்போது ,

தனக்குள் பெருமை கொண்டான் .

@ காலங்கள் கடந்தன ....

அவள் மணக் கோலத்திற்கு

ஆயத்தமானாள்.

இவன் மனம் அலங்கோலமாகியது .

@ என் விழிகளின் பேச்சுக்கு

விழிகளால் பதில் சொன்னாயே !

உனக்குத் திருமணமா ? என்றான்.

@ அப்போதும்

விழிகளாலே சொன்னாள்

ஆமென்று !

@ அப்படியானால் .....

நம் காதல் ....?

'நட்பு' என்றாள் .

'தப்பு' என்றான் .

@ அமிலம் தொட மாட்டேன் என

மனதிற்குள் எண்ணிக் கொண்டான் .

@ அவனும் ,அவளுமாகவே இருந்தார்கள் .

அவர்களாகவில்லை

அவர்கள்.

மு.மகேந்திர பாபு .