பனம் பழம்

 

பனம் பழம்

பள்ளிப் பருவத்தில்

அதி காலை எழுந்து

துண்டால் தலைப்பாகை கட்டி

தோளில் கோணிப்பை போட்டு

கொட்டாங் கச்சியின் முக்கண்ணில்

ஒரு கண்ணில் குச்சியால் சொருகி ,

வுள்ளே மெழுகு வர்த்தி ஏந்தி ,

டார்ச் லைட்டாக்கி ,

வண்டுகளின் ,பூச்சிகளின்

சப்தங்களுக்கு நடுவே

இருளில் டார்ச்சின் ஒளியில் நடந்து

கத்தாளைப் பனைக்கும்,

கருவேல மரங்களின் அடர்த்திக்குள்

இருக்கும் பனைக்கும் சென்று ,

விழுந்து கிடக்கும் பணம் பழங்களைத்

தேடி எடுத்துப் போடும்போது ,

காற்று அசைவிலா நேரத்தில்

விழுகிறது நாலு கொட்டைப்

பனம் பழமொன்று !

விழுந்த வேகத்தில்

சிதறிக் கிடக்கிறது பழம்.

கூடவே ,

நெஞ்சுக் கூட்டிலிருந்து

என் இதயத் துடிப்பும் .

எல்லா உணர்ச்சிகளும்:

1Arvinth Joshua