சுளுக்கு

 

சுளுக்கு

@ ஊரெல்லாம்

நண்பர்களோடு ஓடி ஆடி ,

கட்டச் சுவத்திலும் ,

கண்மாய்க் கரையிலும் குதித்து ,

நுங்கு வண்டி ஓட்டி,

கருக்குப் பனை ஏறி விழுந்து,

கபடி விளையாடி ,

கால் சுளுக்காகி ,

நொண்டி .....நொண்டி .....

நண்பர்களோடு கைத் தாங்களாகி....

@ சுளுக்குப் பாட்டி

கருப்பாயி வீட்டிற்குச் சென்று ....

விளக்கெண்ணை தடவி .....

சுளுக்கான நரம்பை

சொடக்கெடுப்பதைப்போல

எடுப்பாள் கதைகள் பல பேசி ...

மிகப் பொறுப்பாய்

கட்டணமில்லா மருத்துவராய் ....

@ இப்போதெல்லாம்

கால் சுளுக்கு என்றால்

கருப்பாயிப் பாட்டி ஞாபகம்தான் .

@ பால்ய நினைவுகளோடு

பாட்டி வேட்டிற்குச் சென்றேன் .

மண்ணாகி விட்டது பாட்டியின் வீடு

மண்ணுக்குள் போய்விட்ட

பாட்டியைபோல .!