போதைக்கு அடிமையாகாதே ! (இசைப் பாடல் )
போதைக்கு அடிமையாகாதே ! -அண்ணே
நம்ம பொழப்பு ரொம்ப கெட்டுப் போகும் - குடி
போதைக்கு அடிமையாகாதே !
நண்பர் கூட்டம் கூடச் சேர போதை பழகுவாய் - கெட்ட
நண்பர் கூட்டம் கூடச் சேர போதை பழகுவாய்
குடும்பம் கெட்டுப் போனபின்னே குடி பாதை விலகுவாய் !
ஆரம்பத்தில் இனிக்கும் அந்த நாட்கள் தான் அண்ணே - உன்னை
அழி குழிக்குள் அமுக்கப் போகும் நஞ்சு தான் அண்ணே
கொண்டாட்டத்தை தொடக்கி வைக்கும் குடி தானுங்க - உன்னை
திண்டாட்டத்தில் முடித்து வைக்கும் எமன் பாருங்க .
ஆணும் பெண்ணும் குடிக்கிராக அயல் நாட்டுல -நீ
குடிச்சுப் புட்டு கொடுமை பண்ற ஓன் வீட்டுல
சிறுசு முதல் பெருசு வரை கிடக்குதையா டாஸ்மாக்குல
சீரழிஞ்சு போகுதையா நம் பண்பாட்டுல ! (போதைக்கு ......)
புள்ள குட்டி மறந்து போகும் இடம் தானுங்க - நீ
ஊத்திக் குடிக்கும் பார் அது பாருங்க
கவலைகள மறக்கப் போயி குடித்தாயடா - இன்னும்
கவலைகளை அதிகமாக தூக்கிகிட்டு சுமக்கிராயடா ! -குடிச்சதால
உழைச்ச காச ஊத்திக் குடிச்சு வீணடிக்கிற
உடம்பு ரொம்ப கெட்டுப் போயி சீரழியிற
நம்மைக் கொல்லும் இந்தக் குடி வேணாம்டா
நாளும் நல்லா இருப்போம் நம்ம குடும்ப மகிழ்ச்சியோடத்தான் !(போதைக்கு )
மு. மகேந்திர பாபு .
0 Comments