குழந்தைத் தொழிலாளர் எதிர்ப்பு நாள் ஜூன் 12 - சிறப்புக் கவிதை / June 12 - World Day Against Child Labour - Kavithai

குழந்தைத் தொழிலாளர் எதிர்ப்பு நாள் - சிறப்புக் கவிதை ( ஜூன் 12 )

*குழந்தைத் தொழிலாளி* 

பட்டுப்பூச்சியாய்ப்🦋 பறக்காமல்

கூட்டுப்புழுவாய்🐛 குறுகிப் போனாய்

குட்டிக் கையில் பேனா பிடிக்காமல் 

கூனிக்குறுகி கூலி வாங்குகிறாய் 

புத்தகப்பை🎒 சுமக்காமல் 

குடும்ப பாரம் சுமக்கிறாய் !

கிளியாய்ப் பேசி🦜 

குயிலாய்ப் பாடி🐦‍⬛

மானாய்த் துள்ளாமல் 🦌

மாநகரெங்கும் உழைத்துத் தேய்கிறாய்.

 

உன் இரவு எப்படிக் கழியும் எண்ணிப்பார்க்கிறேன் நான் 🤔

நீயோ,

எண்ணி எண்ணிப் பார்க்ககிறாய் 

பகல் உழைப்பின் 

மிச்சக் காசுகளை !

பிஞ்சு விரல்கள் 

பஞ்சம் பிழைக்கக் கல்லுடைத்துக் காய்ச்சுப் போகிறது🥺 

நேருமாமா இன்றிருந்தால் 

நெஞ்சுருகிப் போவார்😢.

உன் கனவுகள் 

பட்டாசுத் தொழிற் சாலையிலும் 

தீப்பெட்டித் தொழிற்சாலையிலும் கருகிப்போகின்றன😔

அறிந்துகொள் 

உன் வயிற்றுப் பசிக்கும் 

அறிவுப் பசிக்கும் உணவூட்ட அன்னையாய் அரசுப் பள்ளிகள் உண்டு.

உன் கனவுப் பூக்களின் பூங்காவாய் அரசுப் பள்ளிகள் உண்டு🌳🌴🌲🎄🌿

பூங்காவின் தோட்டக்காரராய் 

ஆசிரிய அம்மாக்களும் 

அன்புகாட்டும் அப்பாக்களும் காத்திருக்கிறோம் உனக்காக !

நலத்திட்டங்கள் ஏராளமாய் 

பயன்பெறலாம் நீ தாராளமாய்📚📖📐📏🖋️🖊️📝✏️👩🏻‍🎓🧑🏻‍🎓

இன்றே மாணவ அவதாரமெடு !

   கவிஞர்.ம.தன்சியா ,

   முதுகலைத் தமிழாசிரியர்,

   நகரவை(பெ)மேல்நிலைப்பள்ளி,

   பொள்ளாச்சி.