ரம்ஜான் பண்டிகை
03 • 05 • 2022
ரமலான் எனும் திருநாள்...!
நன்மைகள் பலவும் தரும் நாள் !
திருக்குரான் எனும் திருமறைக் கண்ட பெருநாள் !
தன் தேவை மறந்து இறை சேவை அறிந்த ஒருநாள்!
தகிக்கும் கற்கள் கொதிக்கும் நிலையை
சுட்டெரிக்கும் கதிரவன் கனல் போல்..!
மனிதர்தம் பாவமெல்லாம் சுட்டுப் பொசுக்கி
இறைபதம் பணியும் நன்னாள்!
பகலவன் ஒளியாய்ப் பட்டொளி வீசும்
அருள்வளம் நிறைந்த திருநாள் !
இறைவரும் மனிதரும் நோன்பிற்காக
நோக்கிய காலம் ரமலான் !
தானம் அறிந்து ! கூடித் தொழுது...
ஒற்றுமை உணர்த்தும் நோன்பு இது
பசியும் , தகிப்பும் கட்டுப்பாடும் கணக்காய்
கண்ணியமாய்க் கடைப்பிடித்து ...!
இறையடிப்பணிந்து தூய்மையாக்கி நன்மை ஏந்தி
காக்கும் இனத்தின் பண்பாடு ...!
இது அனைவரையும் ஈர்க்கும் அன்போடு!
திருமறைக் கூறும் மெய்ஞானம் !
அதன் வழி தொழுதால்.....
வாழ்வு சிறக்கும் எந்நாளும் !!
இஸ்லாமிய சகோதர சகோதரிகள் அனைவருக்கும்
இனிய ரமலான் நல்வாழ்த்துகள் .!!
0 Comments