தியாக தீபம் திருப்பூர் குமரன்
பிறந்த நாள் ( 04 - 10 - 2021 )
சிறப்புக் கவிதை
குமரக் கடவுள் உறையும்
சென்னிமலை
குமரனை ஈன்ற
சின்ன மலை
திருப்பூர் செய்த
தவப் பயனாம்
பொறுப்போடு நடந்தது
கொடியேந்தி !
பள்ளிப் படிப்போ
நிறையவில்லைசுதந்திர
உள்ளத் துடிப்போ
குறையவில்லை
அண்ணல் வழியில்
நடந்திட்டார் !
மண்ணில் புகழாய்
நிலைத்திட்டார் !
விடுதலை வேள்வியில்
இணைந்திட்டார் !
கெடுதலை எதிர்த்துப்
போரிட்டார் !
அறப்போர் தன்னை
அணிந்திட்டார் !
துறக்கம் சென்று
புகழ் பெற்றார் !
ரத்தம் சிந்திய
நேரத்திலும்
சித்தம் கொடியில்
வைத்திட்டார் !
அடிமேல் அடியாய்
விழுந்தாலும்
கொடியைக் கீழே
விடவில்லை !
இன்னுயிர் நீங்கும்
நேரத்திலும்
தன்னுர் ஈந்து
கொடிகாத்தார் !
கொடியைக் காத்து
புகழ் பெற்றார்
கொடிகாத்த குமரனென
அமரத்துவம் பெற்றார் !
அவர்தம் புகழைப் போற்றுவோம் !
நெஞ்சில் தியாக தீபம் ஏற்றுவோம் !
**************** *********** ***************
கவிஞர் - மீனாட்சி ,
பட்டதாரி தமிழாசிரியர் , ஏனாத்தூர் , காஞ்சிபுரம்.
**************** ********** ****************
0 Comments