உலக மருந்தாளுநர் தினம் - செப்டம்பர் 25 - உணவே மருந்து / INTERNATIONAL PHARMACEUTICAL DAY

 

     உலக  மருந்தாளுநர்  தினம்

                    25 • 9 • 2021

"  உற்றவன்  தீர்ப்பான்   மருந்துழைச்  செல்வானென்று 

அப்பால்  நாற்கூற்றே   மருந்து.

   - திருவள்ளுவர்.

     நோயுற்றவன்   நோய்தீர்க்கும் ,மருத்துவன்  மருந்து ,  மருந்தை  அங்கிருந்து கொடுப்பவன்  என்று   மருத்துவ முறை   நான்கு  என  வள்ளுவம்   கூறுவது   போல மனித   வாழ்வின்   மிக   முக்கியமான   ஒன்றாக, புறந்தள்ள  முடியாத   சங்கிலித்   தொடராக    மனிதனைத்   தொடரும்   மகத்தான   சேவையாகும்.

     மருத்துவர் ---  மருந்தாளுநர் ---  பயன் பெறுவோர்   எனத்   தொடரும்   சங்கிலிப் பிணைப்பு  மனித  குலத்தை  காக்கும்  சக்திகள். உலக   மருந்தாளுநர்  தினம்  என்பது  2009 -- ஆம்  ஆண்டு  செப்டெம்பர்  25 - ம்  நாள்  உருவாக்கப் பட்டது.

              இத்தினமானது   துருக்கியில் இஸ்தான்புல்லில்   இயங்கி வரும்   சர்வதேச   மருந்தாளுமைக்   கூட்டமைப்பால்  ( International   Pharmaceutical  Federation  )  உருவாக்கப்பட்டு   தொடர்ந்து   அனுசரிக்கப் பட்டு   வருகிறது. இவற்றை   இந்திய   மருந்தியல்    கழகமும்  அங்கீகரிக்கரித்து       ஒவ்வொரு    வருடமும்     செப்டெம்பர்   25 -ம்  நாளை     மருந்தாளுநர்     தினமாக      கொண்டாடப் பட்டு  வருகின்றது. 

        உலகின்   அனைத்து  மூளைகளிலும்   மனித  உடல்நலத்தை  மேம்படுத்துவதிலும் ,   ஆரோக்கியத்தை    காக்கவும்  மருந்தாளுநர்களுக்கு   உள்ள   பங்கை   ஊக்குவிக்கவும் ,  அவர்களை   ஆதரிக்கவும்  இத்தினம்  உருவாக்கப்பட்டு  பயன்கள்  பல  தருகிறது.  அனைவரும்   சிறந்த   சிகிச்சையைப்   பெறுவதை   இவர்கள்  சுகாதாரப்   பராமரிப்பாளர்களோடு     இணைந்து   உறுதி  செய்கின்றனர் .

        அறிவியல்  ஆராய்ச்சி களின்  மூலமும் , நோயாளிகளின்  தேவைகளை   சேவையாக  மாற்றுவதன்  மூலமும்  இவர்கள்   பணிகள்  பரந்துபட்ட நிலையைக் காண்கிறது. இன்றைய   இயந்திர  மற்றும்  நாகரீகப்    போக்கில்,  உலகம்  சிதைந்து  கொண்டிருக்கும்   வேளையில்  ,  மக்கள்  உட்கொள்ளும்   உணவானது    தரம்  மற்றும்  சுகாதார மற்ற   துரித  உணவாகவே  உள்ளது. இவற்றிலிருந்து  விடுபட  நல்வழி படுத்தும் மருத்துவத்துறையின்   மருந்தாளும்  பிரிவு  சிறந்த  பணியென   பாராட்டப் படுகின்றது.

      நோயாளிகளையும் , சமுதாயத்தையும்  காக்கும்  கட்டாயப்  பொறுப்பில்  கடமையாற்றும்   இவர்கள் பணி  போற்றத்தக்கது.

   "  மருந்தே    மனிதனின்     ஊன்று கோல்

       மருந்தின்றி   மனிதன்   இல்லை ."

    மருந்தாளுநர்களைப்   போற்றும்   விதமாக   நாட்டின்   பல  இடங்களில் ,  இத்தினத்தின்  முக்கியத்துவத்தை   வலியுறுத்தி   ,  விழிப்புணர்வு    ஏற்படுத்தும்   விதமாக நாடெங்கிலும்  அரசாங்க    நிகழ்ச்சி யாகவும் ,  மாணவர்களின்  கலை நிகழ்ச்சியாகவும்   கொண்டாடபட்டு சிறப்பிக்கப் படுகிறது .மேலும்  மணற்சிற்பத்தை   உருவாக்கியும்  போற்றுகின்றனர்.

              உலக   மக்கள்   அனைவரின்  உடல்நலனில்    மருந்தாளுநரின்   பங்களிப்பிற்கு   அவர்களுக்கு வழங்கப்படும்   நன்மைகளை  முன்வைத்து  இந்த  தினம் சிறப்பிக்கப் படுகிறது.

உயிர்  காக்கும்   சேவையை   செய்யும்  மருந்தாளுநர்களை போற்றுவோம்.!