11 ஆம் வகுப்பு - தமிழ் - புத்தாக்கப் பயிற்சிக் கட்டகம் - 26 , கலைச்சொல்லாக்கம் - வினா & விடை /11th TAMIL - PUTHTHAAKKAP PAYIRCHIK KATTAKAM - 26 - QUESTION & ANSWER

 

11 ஆம் வகுப்பு - தமிழ் 

புத்தாக்கப் பயிற்சிக் கட்டகம்

செயல்பாடு - 26

கலைச்சொல்லாக்கம்

கற்றல் விளைவுகள்

*  கலைச்சொல்லாக்கம் பற்றி அறிதல்.

* நவீன காலத்தின் தேவை கலைச்சொற்கள் என்பதை அறிந்து உணர்தல்,

* துறை சார்ந்த கலைச்சொற்களை அறிதல்.

ஆசிரியர் செயல்பாடு

ஆர்வமூட்டல் :

          மாணவர்களே! வணக்கம். உலகத்தில் நடக்கும் அனைத்து செய்திகளையும் வீட்டிலிருந்தே நாம் தெரிந்துகொள்ள உதவும் சாதனங்கள் (டிவி, கம்ப்யூட்டர், செல்போன், ரேடியோ) (தொலைக்காட்சி, கணினி, கைப்பேசி, வானொலி) மாணவர்கள் பல விதமான பதில்களைக் கூறுதல். அதற்கான தமிழ்ச்சொற்களை ஆசிரியர் கூறி ஆர்வமூட்டல்.

கற்பித்தல் செயல்பாடுகள்

செயல்பாடு:1

கலைச்சொற்கள் :

       மொழிபெயர்ப்பின் உயிர்த்துடிப்பு கலைச் சொற்கள் ஆகும். ஒரு மொழியின் காலத்திற்கேற்ப துறை சார்ந்த புதிய கண்டுபிடிப்புகளுக்காக உருவாக்கிப் பயன்படுத்தப்படும் சொற்களைக் கலைச்சொற்கள்

என்கிறோம்.

கலைச்சொல்லாக்கம்:

* ஒரு மொழியில் இல்லாத சொல்லுக்கு வேறு மொழியினின்று நேரடியாகச் சொற்களைப் பெற்றோ ஒலிப்பெயர்த்தோ அல்லது மொழிபெயர்த்தோ புதுச் சொற்களை ஆக்கிக் கொள்வதைக் கலைச்சொல்லாக்கம் என்பர்.

*  புதிதாக உருவாக்கப்படும் கலைச்சொல் தமிழ்ச் சொல்லாக இருத்தல் வேண்டும். பொருள் பொருத்தமுடையதாகவும், செயலைக் குறிப்பதாகவும், எளிமையானதாகவும், வடிவில் சிறியதாகவும், தமிழ் இலக்கண மரபுக்கு உட்பட்டதாகவும் இருத்தல் வேண்டும்.

*  மொழியின் வேர்ச்சொல்லை அடிப்படையாகக் கொண்டு பல சொற்களை மேலும் உருவாக்கும் ஆக்கத் திறன் கொண்டதாக இருக்க வேண்டும்.

சான்று:

Library  - நூலகம்

Librarian  -  நூலகர்

Library Science  - நூலக அறிவியல்

செயல்பாடு : 2

கலைச்சொற்கள் உருவாக்கம்

கலைச்சொற்கள் ஐந்து வகையான நிலைகளில் தோன்றுகின்றன.

* ஒலிபெயர்ப்பு

* தமிழாக்கம்

* கலப்புச் சொல்

* கடன் மொழிபெயர்ப்பு

* புதுச்சொல் படைத்தல்

ஒலிபெயர்ப்பு :

சான்று :

*  pasparas - பாஸ்பரஸ்

* America - அமெரிக்கா

தமிழாக்கம் :

சான்று :

Acid   - அமிலம்

Shirt   -  சட்டை

கலப்புச் சொல் :

சான்று :

* loinization - அயனி ஆக்கம் அல்லது எந்திரக் கலவை.

கடன் மொழிபெயர்ப்பு :

சான்று :

*  Television - தொலைக்காட்சி

புதுச் சொல் படைத்தல்

சான்று :

 Bicycle - ஈருருளி

செயல்பாடு : 3

       தமிழ்நாடு பாடநூல் நிறுவனம் 20க்கும் மேற்பட்ட துறைகளுக்குக் கலைச்சொற்கள் உருவாக்கி உள்ளது. தகவல் தொழில்நுட்ப கலைச்சொற்கள், மருத்துவத்துறை கலைச்சொற்கள் எனச் சிலவற்றை

எடுத்துக்காட்டு மூலம் விளக்குதல்.

தகவல் தொழில்நுட்ப கலைச்சொற்கள் :

* Online - இயங்கலை

* Broad Band - ஆலலை

*  CCTV - மறைகாணி

* Scanner  -  வருடி

* Digital  -  எண்மின்

*  E-Mail  -  மின்னஞ்சல்

மருத்துவத்துறை கலைச்சொற்கள் :

Doctor -  மருத்துவர்

Tablet - மாத்திரை

Gene  - மரபணு

Insulin -கணையச் சுரப்பு நீர்

 X-Ray  - ஊடுகதிர்

Spinal Cord - முதுகுத்தண்டு

மாணவர் செயல்பாடு

     நாம் அன்றாடம் பயன்படுத்தும் ஆங்கிலச் சொற்களுக்கு இணையான தமிழ்க்கலைச் சொற்களைக் கரும்பலகையில் எழுதச் சொல்லுதல்.

சான்று:

Touch screen -   தொடுதிரை.

Smart phone   -  திறன் பேசி.

Accountant  -பற்று வரவு கணக்கு.

******************    **********    ************

                           மதிப்பீடு

1. கலைச்சொற்கள் என்றால் என்ன?

* மொழி பெயர்ப்பின் உயிர்த்துடிப்பே கலைச்சொற்கள் ஆகும்.

* ஒரு மொழியில் காலத்திற்கேற்ப துறை சார்ந்த புதிய கண்டுபிடிப்புகளாக உருவாக்கிப் பயன்படுத்தப்படும் சொற்களைக் கலைச்சொற்கள் என்கிறோம்.

2. கலைச்சொல்லாக்கம் பொருள் தருக.

  கலைச்சொல்லாக்கம் என்பது பொருள் தெரிந்த பிறமொழிச் சொற்களுக்குத் தாய்மொழியில் , முன்பே உள்ள சொற்களை அடையாளம் காட்டியும் , தேவையான இடத்தில் புதிதாகச் சொற்களை உருவாக்கியும் தருவதாகும்.

3. மருத்துவத்துறை சார்ந்த கலைச்சொற்கள் நான்கினை எழுதுக?

Clinic  - மருத்துவமனை 

Blood Group - குருதிப்பிரிவு

X - ray  - ஊடுகதிர்

Typhoid - குடற்காய்ச்சல்

****************   **********    **************