மரத்தை வெட்டாதே ! - இசைப்பாடல்.

மரத்தை வெட்டாதே    !  (இசைப்  பாடல்  )

                                                                                                                                             மரத்தை வெட்டாதே ....மனிதா !  மரத்தை  வெட்டாதே ! 

நீயும்  நானும்    நல்லாருக்க எல்லாம் தந்திடும்  -அந்த 

மரத்தை  வெட்டாதே ....மனிதா !மரத்தை  வெட்டாதே   !

அலுத்துக் களைத்து வரும்போது  சோர்வை  நீக்கிடுமே  !

பசியைப் போக்க   பிணியைப்  போக்க கனியும்  தந்திடுமே   !

பறவைக் கூட்டம்  வந்து செல்ல  வீடாய் இருந்திடுமே    !

பூக்களைத்தான்   பார்க்கும்போது  மகிழ்ச்சி   பூக்குமே   !

ஒற்றைக்  காலில்  நின்று கொண்டே  ஊரைக் காத்திடுமே   !- (எனவே ...)

கோடை  வெயில் கொளுத்தும்போது  நிழலைத்  தேடுவாய் 

குளுமை  வந்து சேரும்போது   நன்றி  பாடுவாய் 

சாலையோரம்  மரங்கள்  நட்டினால்  பயணம்  இனிக்குமே  !

வீதி எங்கும்  மரங்கள்  நட்டினால்  வீடு மகிழுமே   !

வீதி  எங்கும்  மரங்கள்  நட்டினால்  வீடு   மகிழுமே   !    -(எனவே ...)

ஓசோன்   படலம்   ஓட்டையாகிப்     போவதேனடா  ?

உலகம்   இப்ப   வெப்பமாக   ஆவதேனடா     ?

கார்காலம்   காலம்  கடந்தும்  பொய்ப்பதேனடா  ?

நிலத்தடி  நீர்  மண்ணுக்குள்ளே  இல்லே   பாரடா   -காரணம் 

மரங்கள்  இப்ப மண்ணிலே  குறைந்து   வருதடா  !  -( எனவே ......)

மு.மகேந்திர பாபு.