அறிவு வேண்டுமடி - அறிவொளி இயக்கப் பாடல் - மு.மகேந்திர பாபு / ARIVOLI IYAKKAP PAADAL - M.MAHENDRA BABU

 

அறிவொளி இயக்கப் பாடல் -மு.மகேந்திர பாபு -29 - 04 - 1998

அறிவு வேண்டுமடி - நமக்கு

அறிவு வேண்டுமடி

அகிலம் போற்ற அனைத்தும் கற்று அகமகிழ்ந்திட

அறிவு வேண்டுமடி - நமக்கு

அறிவு வேண்டுமடி.

எழுதப் படிக்கத்தெரியணும் 

எழுச்சி கொண்டு வாழணும்

நாட்டு நடப்பு புரியணும்

நன்மை செய்து வாழணும்

உள்ள அறிவு விரியணும்

உண்மை பேசப் பழகணும்

இதய அறையில் அறிவொளி பரவ ...

அறிவு வேண்டுமடி - நமக்கு

அறிவு வேண்டுமடி

பகுத்தறிவு இருக்குதடி 

பக்குவம்தான் நமக்கில்ல

பண்பாடு ஒன்று இருக்குதடி

பாதுகாக்கத் தெரியல

பட்டணந்தான் போனாலும்

பஸ்ஸில் போர்டப் பாக்கத் தெரியல - காரணம்

கல்வி இங்கு இல்லையடி

அதனால் வந்த தொல்லையடி - அதற்கு அறிவு வேண்டுமடி 

நமக்கு அறிவு வேண்டுமடி

பள்ளிக்கும்தான் போனதில்ல

புத்தகத்தப் பார்த்ததில்ல

படிப்பதற்குப் பணமில்ல

படிக்க வைக்க மனமில்ல

அதனால் அறிவு இல்லையடி 

பள்ளிப் பருவம் போனதே - வாழ்க்கை

பாலையாக ஆனதே !

இன்னும் எப்படிக் கற்றிடுவேன்

கல்வி அறிவைப் பெற்றிடுவேன் என

எண்ணத் துடிக்கும் தோழர்களே 

எழுச்சி கொண்டு வாருங்களேன் !   - அறிவு ...

கல்வி அறிவு இல்லாம 

தெய்வ சிந்தனை வந்திடுமா ?

கல்வி ஒன்று இல்லாம 

செல்வத்தைதான் தந்திடுமா ?

கல்வி என்றும் இல்லாட்டி 

தேசப்பற்று தோன்றிடுமா ?

அறிவு வேண்டுமடி அதுக்கு அறிவு வேண்டுமடி 

கவலையெல்லாம் நீங்கட்டுமே

கவனமெல்லாம் ஓங்கட்டுமே 

கல்வி கற்க வந்திடுங்க 

அறிவொளியில சேந்திடுங்க

வயது ஒரு தடையல்ல

விருப்பம் மட்டும் போதுமிங்க 

                      - அறிவு ...