மு. மகேந்திர பாபு ஹைக்கூ கவிதைகள் 1

 

மு. மகேந்திர பாபு ஹைக்கூ கவிதைகள் 

காலம் மாறி விட்டது

கதைத் தாத்தாக்கள் இல்லை

கணிப்பொறி முன் சிறுவன் .

நெடுஞ் சாலை விபத்து

அவரவர் வேளையில் ஈடுபாடு

இறந்தது மனிதம் .

வீடுகள் நெருக்கமாய்

உறவுகள் தூரமாய்

நகர வாழ்க்கை .

மக்கள் தொகைப் பெருக்கம்

மாநகராட்சி எல்லை விரிந்தது

சுருங்கியது மனித நேயம் .

மனிதனுக்கு நலம் வேண்டி

மாலையுடன் நிறுத்தப் பட்டிருக்கிறது

பலி ஆடு.

மிக விரைவாய் செல்கிறது பேருந்து

ஓட்டுநர்க் கருகில்

கல்லூரி மாணவிகள் .

முதல் விமானப் பயணம்

அனுபவித்து செல்ல முடியவில்லை

அப்பாவின் மரணச் செய்தி .

சாதிய மாநாடு

பாதுகாப்புடன் செல்கிறது

காவல் துறை வாகனம்.

இரு சாதிகளுக்கிடையே கலவரம் .

யாருக்கு ஆதரவு தருவது ?

கலப்பு மணத் தம்பதியினரின் மகன்.

அமைச்சர் பதவி

அடிமனதில் பயம் .

எந்த மத்தியச் சிறையோ ?

நெடுந் தொலைவு பயணம்

விரக்தியில் மீனின்றி மீனவன் .

தள்ளாடும் படகோடு வாழ்க்கை .

கதவிடுக்கில் சிக்கிக் கொண்டது பல்லி

வால் துண்டாகி துள்ளியது.

வலியில் மனசு .

@ மாமா , சித்தப்பா உறவுகள் இல்லை

தனிமையில் தவிக்கும் குழந்தை .

நாமிருவர் நமக்கொருவர் .

@ நகைக் கடை , துணிக்கடையில்

பேரம் இல்லை.

பேசுகிறான் காலணிக் கலைஞனிடம் .

@ மணிக்கொருமுறை மின்நிறுத்தம்

இரு மடங்கு எகிறியது

மின்கட்டணம் .

@ காலாண்டு விடுமுறையில்

வயலில் களையெடுத்த நினைவுகள் .

இன்று கட்டிடக் கலை .

மு.மகேந்திர பாபு .

பர பரப்பில் வீடு .

அவரவர் வேளையில் ஈடுபாடு .

வந்து விட்டது மின்சாரம் .

திடீர் தெய்வ வழிபாடு

உன்னைத்தான் மார்க்காய் நம்பியிருக்கிறேன் .

தேர்வு மாணவன் .

திங்கள் தோறும் குறை தீர் கூட்டம்

மனுக்களோடு குவிந்தனர் மக்கள் .

குறையவில்லை குறை .

நதி நீர் பங்கீடு

இரு மாநிலப் பிரச்சனை

அமைதியாய் ஓடுகிறது நதி .

சுமை சுமந்து

சோகம் சுமந்து

சுகம் காக்கிறாள் தாய்.

விட்டு விட்டுப் பெய்யும் கனமழை மழைநீரை சேமிக்கத் தொடங்கிவிட்டன சாலைகள். மு.மகேந்திர பாபு.

இறந்த பின்பும் மறையவில்லை

சாதிய வழக்கம்

மயானத்திலும் தனித்தனி .

@ மதுவும் , மாமிசமும்

தற்கால ஒத்திவைப்பு .

அய்யப்பனுக்கு மாலை.

மு.மகேந்திர பாபு .

அரசு திட்டத்திற்கு

ஒதுக்கீடு செய்யப்பட்டது பணம்

மகிழ்ச்சியில் அரசியல் வாதி .

விலங்குகளை வதைக்கதீர்கள் .

போர்க்குரல் எழுப்பும் ஆர்வலர்கள் .

கைவண்டி தள்ளும் தொழிலாளி

வரலாறு காணாத விலைவுயர்வு

கூட்டம் குறையவில்லை .

நகைக்கடை

தள்ளாடி நடக்கும் தாய்

ஆறுதலாய் அழைத்து வரும் மகள் .

கையில் முதியோர் வுதவித் தொகை .

மக்கள் பெருக்கம்

வாகனப் பெருக்கம்

அதே சாலை .

வருத்தத் தோடு நிற்கின்றன

வகுப்பறை கட்டிடங்கள்

மே மாத விடுமுறை .