PG - TRB - தமிழ்
தூங்கா நகர்
* சங்கம் வைத்து செந்தமிழ் வளர்த்த நகரம் மதுரை. மதுரை தமிழகத்தின் 2-ஆவது பெரிய நகரமாகும்.
* உலகமே உறங்கிக் கொண்டிருக்கும் வேளையிலும் மக்கள் விழித்திருந்து வேலை செய்வதால் 'தூங்கா நகர்' எனப்படுகிறது.
* ஆண்டின் அனைத்து நாட்களிலும் ஏதாவது ஒரு விழா கொண்டாடப்படுவதால் மதுரை ‘திருவிழா நகர்' எனப்படுகிறது.
* நாற்றிசையிலும் கலையழகு பொருந்திய மாபெருங் கோபுரங்களோடு, எட்டு சிறிய கோபுரங்களையும் கொண்டு, எழில்மிகு சிற்பக் கலைக்கூடமாக விளங்குவதால் கோயில் மாநகர்' எனப்படுகிறது.
* பழம்பெரும் தமிழர்தம் நாகரிகத் தொட்டிலாகத் திகழ்ந்ததால்
'தென்னிந்தியாவின் ஏதென்ஸ்' எனப்படுகிறது.
* மதுரை என்றால் இனிமை' என்பது பொருளாகும். தமிழும் மதுரையும் இனிமையின் இயல்பால் அமைந்தவை.
* மதுரையை புறநானூறு ‘தமிழ்கெழு கூடல்' எனக் கூறுகிறது.
தமிழகத்தின் சிறப்பை உணர்த்தும் சொற்றொடர் :
- "சேரநாடு வேழமுடைத்து, சோழநாடு சோறுடைத்து, பாண்டியநாடு
முத்துடைத்து, தொண்டைநாடு சான்றோர் உடைத்து”.
* 'தமிழ்நிலை பெற்ற தாங்கரு மரபின் மகிழ்நனை மறுகின் மதுரை”
நல்லூர் நத்தத்தனார் சிறுபாணாற்றுப் படையில் பாடியது.
0 Comments