வகுப்பறை

வகுப்பறை

புதிய புத்தகம் மணக்கிறது.

ஒவ்வொருநாளும் 

என்னைப் புரட்டிக்கொண்டிருந்தால்

உன் எதிர்கால வாழ்க்கையும் மணக்கும்

என்பதைச் சொல்லாமல் சொல்லி !

#  கரும்பலகையில் 

நிறைந்து கிடக்கும் 

வார்த்தைகளில்தான்

மறைந்து கிடக்கின்றது

மாணவர்களின்  வாழ்க்கை.

# ஆசிரியர்களையும் ,

மருத்துவர்களையும் ,

பொறியாளர்களையும் இன்னபிற

பணியாளர்களையும் பிரசவித்த வகுப்பறை

முதன்முதலாய் மகிழ்ந்தது

நல்ல மனிதனை பிரசவித்தபோது !

# ஒவ்வொரு 

வகுப்பறையாய்த் தேடியும்

மாணவர்களின் 

குரல்களைக் கேட்க முடியாமல்

மயங்கி விழுந்தது

மே மாத விடுமுறையில் காற்று !

#  பால்யத்தில் பைக்கூடு

சுமந்த தோள்களில் 

மகிழ்ச்சியோடு பயணிக்கிறது

குடும்பத்தின் சுமை .

#  பள்ளிக்கூடம் வந்தவுடன்

செடிகளிடம் பேசும்

மாணவர்களிடம்  பூத்துக்கிடக்கிறது

மனமும் , வனமும்.

மு.மகேந்திர பாபு ஆசிரியர் ,