கிராமத்துக் காதல்

கிராமத்துக் காதல்

காடெங்கும் நிறைஞ்சிருக்கு கம்மங் கருது  - என்

மனசெங்கும் நிறைஞ்சிருக்கு உந்தன் நினைப்பு

குருவிக்கூட்டம் வந்து வந்து தின்னு போகுது 

என் உசுரக் கொஞ்சம் உன் நினைப்பு கொன்னு.போகுது

காளை மாடு கழுத்து மணி சினுசினுங்குது -  உன்

கொலுசுச் சத்தம் என்னைக் கொஞ்சம் கிறுகிறுக்குது

கருவேலமரம் காய்உதிர்க்க ஆடு மொய்க்குது - உன்

பருவம்கண்டு எனது மனம் உன்னை மொய்க்குது

சோளத்தட்டை கடிக்க கடிக்க  நாக்கு இனிக்குது - உன்

உதட்டைக் கொஞ்சம் நினைக்கையிலே உள்ளம் இனிக்குது.

சூரியனைப் பாத்துபாத்து பூவு திரும்புது - உன்

முகத்தைக் கொஞ்சம் பாக்கையில காதல் அரும்புது

அவரைப்பூவு கொடிகொடியாய்ப் பூத்துக் கிடக்குது - அதைப்

பாக்கும்போது உன் சிரிப்பு கண்ணில் நடக்குது.

தட்டைப்பயறு பட்டத்திலே காய்ச்சுத் தொங்குது

தலை சாய்த்துப்போகும் உன்முகமே மனதில் பொங்குது

எள்ளுப்பூவு அடுக்கடுக்கா பூத்துச் சிரிக்குது - அது

என்னவளின் மூக்கைக் கொஞ்சம் நினைவு ஊட்டுது

அருகம்புல்லு பச்சத்தண்ணியாப் பரந்து கிடக்குது - அது

என்னவளின் அன்பைக் கொஞ்சம் எனக்குக் காட்டுது

பாடல் 

மு.மகேந்திர பாபு