ஊது குழல்

ஊதுகுழல்

துளையிடப்படாத

புல்லாங்குழலென

அடுப்பருகே

அயர்ந்து

தூங்கிக்கொண்டிருக்கிறது

ஊதுகுழல்.

அதிகபட்சம்

ஒருநாளைக்கு

மூன்று முறை மட்டுமே

அம்மாவின் பெருமூச்சை

உள்வாங்கி 

புகை மண்டிக் கிடக்கும்

அடுப்பிற்கு புத்தொளி தருகிறது.

அடுப்பின்

இடப்புறத்து

இதயமாகி விட்டது ஊதுகுழல்.

மண்ணெண்ணெய் அடுப்பும் ,

கேஸ் அடுப்பும் 

வந்த பிறகு

கேட்பாரற்றுக் கிடக்கிறது

உறவினர்களால் ஓரங்கட்டப்பட்ட

கிராமத்து சம்சாரியென

ஊதுகுழல் அடுப்படியின் மூலையில்.

மு.மகேந்திர பாபு.