பீம் !

நிபந்தனைகளின் பேரிலேயே

உணவு உண்ண அமர்கிறாள் மகள்.

சோட்டா பீம் தவிர

வேறு எந்த சேனலுக்கும்

மாறிவிடக் கூடாதாம் .

மொழிப் பிரச்சனை

அவளுக்கு இல்லை.

தமிழ் , ஆங்கிலம், இந்தி என

அனைத்திலும் பார்க்கிறாள்.

விளம்பர இடைவேளைகளின் போதெல்லாம்

உணவு உண்ண இடைவேளை

விட்டு விடுகிறாள்.

மகளுக்கு நண்பர்களான பீம்

கூட்டாளிகள்

இப்போது பகையாளிகளாக

மாறிவருகிறார்கள் எனக்கு !

மு.மகேந்திர பாபு.