இந்திய தேசம்

 

இந்திய தேசம்

எங்கே போகுது இந்திய தேசம் ?- அதை

எடுத்துச் சொன்னா நாக்கே கூசும்

காஷ்மீர் முதல் குமரி வரை எங்க நாடுதான் -ஆனா

ஒற்றுமை தான் இல்லையே பெரும் பாடுதான்

நடந்து வந்த அரசியல் நாடகம் முடிந்து போனது - நம்

மாணவர் கையிலெடுக்க புயலாய் ஆனது

வானம் தந்த மழைய நல்லா தேக்கி வைக்கிறான் -பென்னி குக்கால்

வானம் தந்த மழைய நல்லா தேக்கி வைக்கிறான்

தமிழனுக்கு தண்ணீர் தர தலையச் சொரியிறான் -கேட்டா

புதிய அணை கட்டுவோம்னு சொல்லித் தெரியிறான்

வெள்ளைக் கார பென்னிக் குக்குக்கு வெள்ளை மனசுடா -நம்ம

நாட்டுக்குள்ள இருப்பவனுக்கு கள்ள மனசுடா

காவிரியும் கைவிரிக்கல நாட்டுக்குத்தானே -அதை

வழக்குப் போட்டு இழுத்துப் புட்டான் ரோட்டுக்குத்தானே

நீதி மன்றம் சொன்ன சொல்லை கேட்க மாட்டான் -நித்தம்

ஓட்டுக்காக வீம்பு பேசி ஓயமாட்டான்

ஓடும் பஸ்ஸில் ஓடிப்போயி ஏறிப் போறவன் -இப்ப

வன்புணர்ச்சி வக்கிரத்தினால் மாறிப் போனானே

கலப்பு மணத் திருமணத்தால் சாதி மறையும்டா -ஆனா

தமிழகத்தில் மட்டும் மூனு ஊரு எரியும்டா

அடுச்சித் திருத்தி வளத்தாத்தான் புள்ள வளரும் - நல்ல

எதிர் காலம் இனிமையா புதுசா மலரும் .

பெத்த புள்ளைய அடிச்சிப்புட்டா ஜெயிலு தாண்டா -பள்ளியில

ஆசிரியர் கண்டிச்சாலும் ஜெயிலு தாண்டா

என்ன சொல்ல இந்த நிலை எங்கே போகுது ? -வரும்

எதிர் காலம் இருளாலே சூழப் போகுது (எங்கே போகுது .....)

எல்லா உணர்ச்சிக