எட்டாம் வகுப்பு - தமிழ் - வினாடி வினா - 1 , கவிதேப்பேழை - தமிழ்மொழி வாழ்த்து / 8th TAMIL VINADI VINA - 1 , QUESTION & ANSWER

 

                 வகுப்பு 8 - தமிழ்

              வினாடி வினா - 1

                அக்டோபர் - 2021 

கவிதைப் பேழை - தமிழ்மொழி வாழ்த்து

1. ' சூழ்கலி நீங்கத் தமிழ்மொழி ஓங்க' - என்னும் பாடலடியில் 'கலி' என்பதன் பொருள் என்ன என்பதைக் கண்டறிந்து எழுதுக.

அ) இரவு

ஆ ) அறியாமை இருள்

இ) இருட்டு

ஈ ) அறிவுச்சுடர்

விடை : ஆ ) அறியாமை இருள்

2. 'சிந்துக்குத் தந்தை' எனப் பாரதியாரைப் புகழ்ந்த கவிஞர் யார் எனத் தெரிவுசெய்க.

அ) வாணிதாசன்

ஆ )சுப்புரத்தினதாசன்

இ) பாரதிதாசன்

ஈ ) கவிமணி தேசிகவிநாயகம்

விடை : இ ) பாரதிதாசன்

3. சரியா? தவறா? என எழுதுக.

அ) 'இசைகொண்டு வாழியவே' - இவ்வடியில் 'இசை' என்னும் சொல் புகழைக் குறிக்கிறது.

விடை - சரி 

ஆ) தொல்லையகன்று - என்பதனைப் பிரித்து எழுதக் கிடைப்பது 

தொல்லை +யகன்று ஆகும்.

விடை - தவறு

இ) பாரதியார், தேசபக்திப்பாடல்கள் மூலம் விடுதலை உணர்வினை மக்களிடையே ஏற்படுத்தினார்.

விடை :  சரி

ஈ ) மொழி, மக்களின் பண்பாட்டுடன் நெருங்கிய தொடர்புடையது. 

விடை : சரி

4. கோடிட்ட இடங்களை நிரப்புக.

அ)"வான மளந்தது அனைத்தும் அளந்திடு வண்மொழி வாழியவே!"

ஆ) 'வைப்பு' என்பதன் பொருள் நிலப்பகுதி ஆகும்.

5. பொருத்தமான நிறுத்தக்குறியிடுக.

        பாரதியார் ' எட்டயபுரம் ' என்னும் ஊரில் பிறந்தார்.  இவரது இயற்பெயர்

' சுப்பிரமணியன் '  ஆகும். இவர் பதினோரு வயதில் தமது கவித்திறமையால் ' பாரதி ' 

என்ற பட்டத்தைப் பெற்றார் . மேலும் , இவர் ஒரு சிறந்த எழுத்தாளர், இதழாளர், சமூக சீர்திருத்தவாதி , விடுதலைப் போராட்ட வீரர் எனப் பல்திறன் பெற்ற வித்தகர் ஆவார்.

6. கீழ்க்காணும் வினாக்களுக்கு விடையளிக்க.

அ) பாரதியார் நடத்திய இதழ்களின் பெயரினை எழுதுக.

விடை:  இந்தியா , விஜயா

ஆ) தமிழ்மொழி வாழ்த்துப்பாடலில் இடம்பெற்றுள்ள தமிழின் சிறப்புகள் 

இரண்டனைக் கூறுக.

விடை:

(1) தமிழ் மொழி எக்காலத்தும் நிலைபெற்று வாழும் மொழி .

(2) ஆகாயத்தால் சூழப்பட்ட எல்லாவற்றையும் அறிந்து உரைக்கும் வளமான மொழி தமிழ் மொழி.

7. பின்வரும் வினாக்களுக்கு விடையளிக்க.

அ) பாரதியார் எத்தகைய ஆற்றலைப் பெற்றிருந்தார்?

விடை:  

       பாரதியார் கவிஞர் , எழுத்தாளர் , இதழாளர் , சமூகச் சீர்திருத்தவாதி , சிந்தனையாளர் , விடுதலைப் போராட்ட வீரர் எனப்பன்முக ஆற்றல் பெற்றிருந்தார்.

ஆ) தமிழ்நாடு எவ்வாறு ஒளிர வேண்டுமெனப் பாரதியார் கூறினார்?

விடை:

     பொருந்தாத பழைய கருத்துகளால் உண்டாகும் துன்பங்கள் நீங்கித் தமிழ்நாடு ஒளிர வேண்டும் என பாரதியார் கூறினார்.

8. பாடலைப் படித்து வினாக்களுக்கு விடையளிக்க.

"செந்தமிழே! செங்கரும்பே! செந்தமிழர் சீர்காக்கும்

நந்தா விளக்கனைய நாயகியே! - முந்தை

மொழிக்கெல்லாம் மூத்தவளே! மூவேந்தர் அன்பே!

எழில்மகவே! எந்தம் உயிர்".

- து. அரங்கன்

வினாக்கள்

அ) பிரித்து எழுதுக.

செந்தமிழ்  -  செம்மை + தமிழ் 

செங்கரும்பு  - செம்மை + கரும்பு 

ஆ) தொகைச்சொல்லை விரித்தெழுதுக.

மூவேந்தர் 

விடை - சேர , சோழ , பாண்டியர் 

இ) முந்தை மொழிக்கெல்லாம் மூத்தவள் யார்?

விடை: தமிழ் மொழி 

9. நீ அறிந்த கவிஞர் ஒருவரைப் பற்றி அரைப்பக்க அளவில் கட்டுரை வரைக.

(குறிப்பேட்டில் எழுதுக.)

 ( மாணவர்கள் தங்களுக்குப் பிடித்த கவிஞர் ஒருவரைப் பற்றி எழுதவும் ) 

10. உனக்குத் தெரிந்த பாரதியார் பாடல் ஒன்றனை எழுதுக.

விடை:

ஆடுவோமே - பள்ளுப் பாடுவோமே 

ஆனந்த சுதந்திரம் அடைந்து விட்டோமென்று 

சரணங்கள்

1. பார்ப்பானை ஐயரென்ற காலமும் போச்சே வெள்ளைப்

பரங்கியைத் துரையென்ற காலமும் போச்சே - பிச்சை

ஏற்பாரைப் பணிகின்ற காலமும் போச்சே - நம்மை

ஏய்ப்போருக் கேவல் செய்யும் காலமும் போச்சே (ஆடு)

2. எங்கும் சுதந்திரம் என்பதே பேச்சு - நாம்

எல்லோரும் சமமென்பது உறுதியாச்சு;

சங்கு கொண்டே வெற்றி ஊது வோமே - இதைத்

தரணிக்கெல் லாமெடுத்து ஓதுவோமே

3. எல்லோரும் ஒன்றென்னும் காலம் வந்ததே - பொய்யும்

ஏமாற்றும் தொலைகின்ற காலம் வந்ததே - இனி

நல்லோர் பெரியரென்னும் காலம் வந்ததே - கெட்ட

நயவஞ்சக் காரருக்கும் நாசம் வந்ததே.

 ( ஆடு)

4. உழவுக்கும் தொழிலுக்கும் வந்தனை செய்வோம் - வீணில்

உண்டுகளித் திருப்போரை நிந்தனை செய்வோம்

விழலுக்கு நீர்பாய்ச்சி மாய மாட்டோம் - வெறும்

வீணருக்கு உழைத்துடலம் ஓயமாட்டோம்.

 ( ஆடு)

5. நாமிருக்கும் நாடுநமது என்பதறிந்தோம் - இது

நமக்கே உரிமையாம் என்பதறிந்தோம் - இந்தப்

பூமியில் எவர்க்கும் இனி அடிமை செய்யோம் - பரி

பூரணனுக் கேயடிமை செய்து வாழ்வோம்.

 ( ஆடு)